Saturday, April 27, 2013

ගමන් මග අතරතුර.....



දුර මග ගෙවා යන'තර සන්සුන් ගමනින්
මට හමු වුණා හෙවණක් අහසට පහළින්
දැක ඒ සුවද පොඩි ගෙය සුවයක් සදමින්
හිත නැවතුනා ඇවිදින දෙපයටත් කලින්

සුදු වැලි අතුල මළුවේ පියවර මනිමින්
මං ගොඩ වුණා එළිපත්තට හුරු ගමනින්
වරුවක් බලා උන්නත් දොරකඩ ගාවින් 
නැහැ දොර ඇරෙන පාටක් නම් මා වෙනුවෙන්

මගෙ අත පිරුණ හසකැන් මල් මිට අතරින්
එක කුසුමක් අරන් පූජා කර බැතියෙන්
පැතුමක් තබා ඒ ගෙයි හිමි කරු වෙනුවෙන්
සමු ගමි ඉතින් මට හිමි නැති ඒ පියසින්.........


Thursday, April 25, 2013





පායා  __ හිරු සදු ලෙස හැමදාමත් ළගින් ඉන්න
තව නොලියූ පෙම් කවියට නුඹ මුලකුරු ගෙනත් දෙන්න
මාත් එක්ක එකතු වෙලා ජීවිතයේ රහ බලන්න
හෙට උදේම නුඹ එනතුරු මං ඉන්න __ මට කියන්න

පබැදූ හැම කවි වැලකම තිබුණ අඩුව මකා ගන්න
තව කවියක් ලිව්වා මම ජීවිතයම ස__ස ගන්න
ලිවු කවියේ තේමාවට ඉරක් නොදා නමක් දෙන්න
මේ කවි‍‍ෙ__ත් මට මිස් වුණු අකුරු හතර සොයා දෙන්න....



Thursday, April 18, 2013


මහ රෑක 
හැඩ බලමි ;
දවාලේ
ගහේ උන්
පරෙවි ජෝඩුවකගේ
මුණු මුණුවෙන්
ගිලිහිලා 
ඇද වැටුණු
අකුරු පේළියක..














අහංකාරම වදන් වැල් ගෙන
ලෙංගතුම අරුතක් කියා දෙන
අලුත් කවියක් හමු වුණා මට
තුඩ කැඩුණු පන්හිදක් සමගින.....




බියෙන් සැලෙමි 
ඉගිල යතැ යි
තැත් කළොත් නගන්නට
සේයා රුවට.. 

විදිමි තනිවම 
සුන්දරත්වය
ලොවට පෙන්විය 
නොහෙන්නේ වුව..


Thursday, April 11, 2013



සරා සද,
රෑ අහස එකලු කර
දෝතින්ම රැගෙන'විත්
හැගුම් මන්දාකිණිය

කුමුදු මල,
සිත් කොනක පිපී ගෙන
හීනියට දැල්වෙන
කණාමැදිරි එළියට
හෙමි හෙමින් කොදුරන
විදින්නට 
අසම්මතයේ මිහිරියාව....


(ඡායාරූ අන්තර්ජාලයෙන්)

Wednesday, April 10, 2013

සදාදර යෝධයෝ...,


                                                   එදා නුඹ, නුඹ වටා
                                                 තාප්පය ගොඩ නගා 
                                                 හුගක් කල් ගත වෙලා...
මල් උයනෙ අයිතිකරු
සදාදර යෝධයෝ,

දැන් ඉතින් කාලෙ හරි 
මේ කුළුණු පෙරලන්න
නිදහසේ ගහ වැලට
පිපෙන්නට ඉඩ දෙන්න
හැමදාම එක වගේ
වියලි හිම නොවැටෙන්න
හිනාවට දොර ඇරන්
වසන්තය ගෙට ගන්න
දැන් ඉතින් කාලෙ හරි
වට පවුරු බිදලන්න..!

අපි තාම තාප්පෙන්
මෙහා අයිනට වෙලා
ඇගිලි ගනිනවා - නුඹට
මල් කැකුළු පූදන්න,
වසන්තය ගෙන එන්න..