Tuesday, August 20, 2013

කල්පනා..


කල්පනා කරන කොට
සියක් වර
විසික් වෙයි හැගුම් බර
සියොත් කැල
වසක් නම් නෑ තවත්
විසක් මිස
මසක් වුව ගෙවී යයි
නොදැනීම...

හදිසියෙන් පාර පනින කොට
යටවෙලා රෝදෙකට
චප්ප වුණා එළිවැට
ගැස්සුනා කවි හිත
ඇද වුණා අකුරු පේළි
මන්ද හාසයක් නම්
නෑ මෙතන
අනුප්‍රාසය විතරයි ඉතිරි
තැනින් තැන

දිග අරින්නවත් බැරි විදියට
දූලි වෙලා හැඩය
දෝෂ කියන්න වුණත්
තාලයක් එපැයි කවියට

මොන මගුලක්ද
විසික් කරලා දාපන්
ඔන්න ඕක...


Monday, August 12, 2013





















දෙවසරකට පෙරාතුව
නුඹට ලිවු වදන් පෙළ
ආයෙමත් ලියනවා
ඔහු නමට..

දැනෙන කොට හිරිකිතක්
ආදරේ ගැන
අතින්වත් අල්ලන්නෙ
කෝම මං
ජීවිතය..

සිල් ගත්ත මගේ හිත
තවම අනිමිසයක
ඒ ගැන...


Sunday, August 11, 2013



පහන් තිර දැල්වී
තව තවත්
අදුරෙහි ගනකම
සිහි කරවයි...


Tuesday, August 6, 2013

ජින්නා



ඡන්ද කාලෙට
පෝස්ටර් අලවන
ජින්නා,
හොද වෙලාවට
ලොකු මහත්තුරු
දැක්කෙ නැත්තෙ උඹව..

ඊයෙ දහයෙ කොළවලට
අලවපු පෝස්ටර්
උඩ
අලුත් පෝස්ටර්
ගැහුවෙත්
උඹමයි කියලා
දැන ගත්තා නම්
පාත තැනින් ගලං යනව වතුර
ස්ථිරයි...

තියාපන් ඔය පාද
හීනියට - සීරුවට
අතුරෙ යනවා වගෙයි
ජීවිතය
පරෙස්සම් වෙයන්
උඹ
ලිස්සුවොත් එක වරක්වත්
වාරු නැති වෙයි හැමදාටමත්...