නෙළුම් මලක් යට උන්න
තිත්ත පැටියෙක්ව දැකපු
කොකෙක්
ඉවුරට වෙලා ඉදගෙන කිවුවලු
"මෝඩ තිත්ත පැටියෝ
උඹ කවදාවත්
නෙළුම් මලක් දකින්නෙවත්
සුවද අහන්නෙවත්
නැති වෙයි"
කියලා
හීන් හිනාවක් දමාපු
තිත්ත පැටියා
නෙළුම් කොලේ යටි පැත්තේ
මෙන්න මෙහෙම ලියලා තිබ්බලු
"නුඹ හැමදාමත් දකින්නෙ
නෙළුම් මලක ලස්සන විතරයි
ඒත්,
ඒ නෙළුම් මල
පූදින්න ගත්ත මහන්සිය
දැක්කෙ මම විතරයි.
මඩ ගොහොරුවකින්
උඩට ඇවිත් මේ නෙළුම් දඩු
මලක් උපද්දවන්න වුණ මහන්සිය
දැක්ක මගේ හදවතේ ඇ‍දුන
නෙළුම් මලේ
රූපයයි සුවදයි
ඇත්ත නෙළුම් මලට වඩා
දහස් ගුණේකින් ලස්සනයි"
අන්තිමේදි පුංචි හිනාවක් දාපු නෙලුම් මල කිවුවලු,
ReplyDeleteඇත්තටම ඒ මහන්සිය කොච්චර සුන්දරද කියල දන්නෙ
ඒක විඳපු මමම විතරයි කියල……….
ස්තූතියි යාළුවාගෙ එකතු කිරීමට.!!
Deleteකොකාගෙ ගැටේට හසු නොවු නුවණැති තිත්තයා.
ReplyDeleteස්තූතියි යාළුවට.!!
Deleteඑකට දුක් විදපු
ReplyDeleteඑකා වගේ එකට හිටපු
නෙලුම් පොහොට්ටුව ගැන මම හිතපු
සිතුවිලි ගොඩ පුරෝපු
මෝඩ හදවත වැටහුනා හොදට
හරි ගිය කල නෙළුම ලගට
යන්නට පය තැබූ කලට
අවසන් දිනයි මගේ පණට
ස්තූතියි යාළුවගෙ වදන්වලට..!!
Deleteමේ කතාව කියවල ටික දවසකට පස්සෙ,
ReplyDeleteඅඩි ගානක් උඩට ඇවිත් නෙලුම් මලට හිනා වෙන්න
නිහඬවම හයිය දුන්නු නෙලුම් කොලේ වගේ
තිත්ත පැටවුන්වත් පරිස්සන් කරන් ඉන්න
කෙනෙක් හම්බ වෙලා මට මේ කතාව ආයෙම මතක් උනා..
ම්... එහෙම අය ඉන්න ලෝකෙ ඇත්තටම ලස්සනයි තමයි..
Deleteස්තූතියි යාලු කමෙන්ටුවට..