මට උඹව ඕනි නැහැ...

මට උඹව ඕනි නැහැ...

ඔන්න කිවුවා මුලින්ම,

දගලන්න එපා ඔය තරම් 

මං ඉස්සරහා

අල්ල ගත්තොත්

මං - උඹව

අතාරින්නෙ නෑ මයි...

තුවාල වෙයි උඹට

සෑහෙන්න

මගේ කවිවලින්

හිතන තරම් 

අහිංසක නෑ මං

වෙඩි තියන්නෙ

මූණිස්සම් වචනවලින්..

උඹේ ආත්මය 

අඩියෙන් අඩිය හූරලා

කවිවලට ගොනු කරලා

රහ බලනවා මං

හප හපා..

හදවතින් ගලන
ලේ බිංදු එකක්වත්
අතාරින්නෙ නම් නෑ
මගේ කවිවල
එළිවැටට ගන්නවා..

උඹටමයි කියලා
ඉතුරු වෙන එකක් නෑ
කිසි දෙයක්

ඉතිං පලයං
ජීවිතේ බේර ගෙන
මගේ ඇස් මානෙන්
ඈතකට....