සබද...

විසල් අහස විසිරී හිද
රටා මවන තරු කැට මැද
දිලෙනා රන් තරුවක් වෙත
ඔබේ දෙ ඇස දිව යන සද -
සබද ඔබම ඔබ දැක ඇත

ගලා හැලෙන ඇල්ලක සිට
වැටෙනා එක දිය බිඳකට
කම්පා වන සඳ හද ස්වර
උතුරා යන සිතිවිලි මැද -
සබද ඔබට ඔබ හමු විය

තිමිර සිදින හිරු රැස් දැක
මල් පිබිදෙන වන මැද හිද
දස දහසක් සියොතුන් නැගි
ජීවනයේ ගී හඩ මැද -
ඔබේ ස්වරය සැගවී ඇත

ඉගැඹුරු මහ සයුර සමග                               
පවනැල්ලක් හාදව සිට
මවනා රැළි සරැළි අතර
මතුවන එක දිය රැල්ලක -
ඔබත් මමත් හමු වී ඇත..