ඔය තරමට එරෙවුවාට මට නැහැ නුඹ එපා            වෙලා
නපුරු වචන කියෙවුවාට මගෙ නම් නැහැ හිත        රිදිලා
අහක බලන් ඉගිලුනාට මගෙ ඇස් නුඹ ළගට          වෙලා
සිනා සලයි ඔය හිත ළග පිපෙන සොදුරු මල්       ගැනලා

නුඹ කිවුවට නවතින් නෑ මගෙ හිත් මල හිර          කරලා
පන්හිද ගොළු කරවන් නෑ ඔය හිත් මල මග          ඇරලා
දකින්නවත් බැරි තරමට දුර ඈතින් නුඹ                රැදිලා
හිටියා වුණත් මැලවෙන් නෑ මගෙ ආදර හිත          පිරිලා

නොපෙන්නුවට මම දන්නවා ඔය හිත ලස්සනයි  කියලා
හැමදාමත් කවි ලියනවා නුඹ රවනවා බලන්         ඉදලා
මම ආදරෙ තමයි නුඹට මොටද ඒක වහන්            ඉදලා
ඉතින් කවුද කිවුවෙ නුඹට මට ආදරෙ කරන්        කියලා...

                                                 - හිතුවක්කාර හිත -